Главный ПРЕСТОЛ
ВО ИМЯ НЕРУКОТВОРНОГО ОБРАЗА
ГОСПОДА ИИСУСА ХРИСТА
День памяти 16/29 августа
Величаем Тя, Живодавче Христе,
и почитаем вси Пречистаго лика Твоего
преславное изображение
Спас Нерукотворный
Тропарь, глас 2
Пречистому Твоему образу покланяемся, Благий,/ просяще прощения прегрешений наших, Христе Боже:/ волею бо благоволил еси плотию взыти на Крест,/ да избавиши яже создал еси от работы вражия./ Тем благодарственно вопием Ти:/ радости исполнил еси вся, Спасе наш,// пришедый спасти мир.
Кондак, глас 2
Неизреченнаго и Божественнаго Твоего к человеком смотрения,/ неописанное Слово Отчее,/ и образ неписанный,/ и богописанный победителен,/ ведуще неложнаго Твоего воплощения,// почитаем, того лобызающе.
Молитва
О Преблагий Господи Иисусе Христе, Боже наш! Ты древле человеческаго естества Твоего лице пресвятою водою омыв и убрусом отер, чудесне оное на том же убрусе изобразити и Едесскому князю Авгарю во исцеление недуга его послати благоволил еси. Се и мы ныне, грешнии раби Твои, душевными и телесными недуги нашими одержимии, лица Твоего, Господи, ищем и с Давидом во смирении душ наших зовем: не отврати лица Твоего от нас, и уклонися гневом от рабов Твоих, Помощник нам буди, не отрини нас и не остави нас. О Всемилостивый Господи, Спасителю наш! Вообрази Сам Себе в душах наших, да во святыне и правде жительствуеши, будем сынове Твои и наследницы Царствия Твоего, и тако Тебе, Премилостиваго Бога, нашего, купно со Безначальным Отцем Твоим и Пресвятым Духом, славити не престанем во веки веков.
Аминь.
О происхождении и обретении
Нерукотворного образа
Господа нашего Иисуса Христа
Образ-парадигма «Благословенного града»
в христианской иеротопии
Главный престол нашего храма изначально был освящен в честь Спаса Нерукотворенного Образа. В 1856 году после перестройки церковного здания главный алтарь был переосвящен во имя Обновления Храма Воскресения Христова во Иерусалиме (это было сделано по пожеланию купца Бубнова, который, очевидно, являлся одним из крупнейших благотворителей этого строительства). После воссоздания храма в 1992 году главный престол вновь освятили во имя Спаса Нерукотворенного Образа.
ПРЕСТОЛ
ВО ИМЯ СВТТ. АФАНАСИЯ И КИРИЛЛА,
ПАТРИАРХОВ АЛЕКСАНДРИЙСКИХ
День памяти 18/31 января
Величаем вас,
святителие Христовы Афанасие и Кирилле,
и чтим святую память вашу
вы бо молите за нас Христа Бога нашего
Святители Афанасий и Кирил, патриархи Александрийские
Тропарь свтт. Афанасию и Кириллу, глас 4
Делы возсиявше православия,/ все погасившие злославие,/ победителие, победоносцы бысте,/ благочестием вся обогативше,/ Церковь вельми украсивше,/ достойно обретосте Христа Бога,/ дарующаго нам велию милость.
Или сей тропарь, глас 3
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их/ в мире управи живот наш.
Кондак, глас 4
Священноначальницы величайший благочестия/ и доблии поборницы Церкве Христовы,/ вся соблюдите, поющия:/ спаси, Щедре,/ верою чтущия Тя.
Молитва святителям Афанасию и Кириллу Александрийским
О всесвятии отцы Афанасие и Кирилле, теплии наши заступницы, ересей потребители, благочестия защитители, недужным врачеве, в бедах помощницы и всем притекающым к вам теплии предстатели, помозите нам, грешным, в сем житии, и умолите Господа Бога даровати нам грехов оставление и Царствия Небеснаго наследие, да всегда прославляем Отца и Сына и Святаго Духа, и ваше милостивное предстательство, ныне и присно и во веки веков. Аминь.
Тропарь святителю Афанасию Великому (день памяти 2/15 мая), глас 3
Столп был еси православия,/ Божественными догматы подтверждая Церковь,/ священноначальниче Афанасие:/ Отцу бо Сына Единосущна проповедав,/ посрамил еси Ария./ Отче преподобне,/ Христа Бога моли// даровати нам велию милость.
Кондак святителю Афанасию Великому, глас 2
Правосла́вия насади́в уче́ния,/ злосла́вия те́рние изсе́кл еси́, умно́жив се́мя ве́ры одожде́нием Ду́ха, преподо́бне,/ те́мже тя пое́м, Афана́сие.
Тропарь святителю Кириллу, архиепископу Александрийскому (день памяти 9/22 июня), глас 8
Православия наставниче, / благочестия учителю и чистоты, / вселенныя светильниче, / архиереев Богодухновенное удобрение, / Кирилле премудре, / ученьми твоими вся просветил еси, / цевнице духовная, / моли Христа Бога спастися душам нашим.
Кондак святителю Кириллу, архиепископа Александрийскому, глас 6
Бездну нам учений богословия источил еси яве от источник Спасовых, ереси погружающую, блаженне Кирилле, и стадо невредимо от треволнений спасающую, странам бо всем наставник, преподобне, яко Божественная являя.
Житие святителя Афанасия Великого
Житие святителя Кирилла, архиепископа Александрийского
Первый в Москве храм в честь свтт. Афанасия и Кирилла, патриархов Александрийских, был поставлен в XIV веке рядом с великокняжеским теремом в Кремле у Фроловских (Спасских) ворот по повелению св. князя Димитрия Донского в память о его венчании с Евдокией, дочерью князя Димитрия Суздальского, которое состоялось 18/31 января 1366 года, в день празднования святителей. Наш храм, церковь Спаса Нерукотворного Образа, который традиционно именуют по его южному приделу церковью свтт. Афанасия и Кирилла, был построен, скорее всего, в конце XV – начале XVI веков.
ПРЕСТОЛ
ВО ИМЯ СВЯТИТЕЛЯ НИКОЛАЯ,
АРХИЕПИСКОПА МИР ЛИКИЙСКИХ,
ЧУДОТВОРЦА
Величаем тя, святителю отче Николае,
и чтем святую память твою:
ты бо молиши за нас Христа Бога нашего
Святой Николай Мир Ликийских чудотворец
Тропарь святителю Николаю (на день памяти 6/19 декабря), глас 4
Правило веры и образ кротости, воздержания учителя яви тя стаду твоему яже вещей истина: сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашым.
Кондак, глас 3
В Мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.
Тропарь на перенесение мощей святителя и чудотворца Николая, архиепископа Мир Ликийских (день памяти 9/22 мая), глас 4
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей Святителя и Чудотворца Николая, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас яко предстатель наш, великий Николае.
Кондак, глас 3
Взыдоша, яко звезда, от востока до запада твоя мощи, святителю Николае, море же освятися шествием твоим, и град Барский приемлет тобою благодать: нас бо деля явился еси, чудотворец изящный, предивный и милостивый.
Молитвы святителю Николаю
О, добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое; виждь нас немощных, отовсюду уловляемых, всякого блага лишенных и умом от малодушия помраченных; потщися угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниях наших; моли о нас недостойных Содетеля нашего и Владыку, Ему же ты со безплотными лики предстоиши; милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам; на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим. Избави нас, угодниче Христов, от зол, находящих на нас, и укроти волны страстей и бед возстающих на нас, да ради святых твоих молитв не обымет нас напасть, и не погрязнем в пучине греховней и в тине страстей наших; моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков. Аминь.
Молитва
О, пастырю добрый, учителю и наставниче наш, святителю отче Николае! Ты, ангельски пожив на земли, по преставлении твоем яко ангел благий просиял еси, молящимся тебе присный помощник являяся. Веруем от всея души и помышления, яко твоими неложными ходатайствы и благодатию, обильно дарованную тебе от Господа Спаса нашего, нашему спасению присно способствуеши. Убо и в час сей наша недостойная приими моления; свободи нас твоим заступлением от облежащаго нас суесловия и суемудрия, неправоверия и зловерия человеческаго; молися мир всем Дающему низпослати мир церквам, расточенная же воедино собрати; моли милостиваго Господа, да имиже весть судьбами спасет нас от пре грешений наших; моли благость Его, о еже милостивно подати нам и всему миру потребная, да непрестанно славим, хвалим, поем и величаем пречестное и великолепое имя Отца и Сына и Святаго Духа, ныне и присно и во веки веков. Аминь.